Yaxında Azərbaycanda bu məhsulları tapmaq olmayacaq - SİYAHI

Yaxında Azərbaycanda bu məhsulları tapmaq olmayacaq - SİYAHI
İşğal səbəbindən Ukraynanın Qara dəniz limanlarından istifadə edə bilməməsi bu ölkədən mal alan ölkələri çətin vəziyyətə salıb. Artıq bir çox ölkədə buğda, günəbaxan və qarğıdalı yağı, siqaret xammalı, heyvan yemləri, ət və ət məhsulları, tikinti materiallarının istehsalı üçün xammalların və s. malların təchizatında çətinlik müşahidə olunur.

Azərbaycan da özünə lazım olan bir sıra malları Ukraynadan idxal edir. Qara dəniz limanlarında yaranan vəziyyət həmin malların ölkəmizə çatdırılmasını problemə çevirib.

Sfera.az xatırladır ki, buna görə Azərbaycanda tütün xammalı ilə təminatda çətinliklər var. Bu hal bəzi siqaret markaları üzrə satışa verilən malların miqdarının azalmasına səbəb olub.

Bəs, Ukraynada problemin yaranması daha hansı mallar üzrə təminatda problem yarada bilər?

Bunu müəyyənləşdirmək üçün mal növləri üzrə idxalda Ukraynanın payına diqqət yetirmək lazımdır.

Azərbaycan ötən il Ukraynadan 470 milyon dollar dəyərində idxal həyata keçirib. Statistik məlumatların təhlillərdən aydın olur ki, ölkəmizə dondurulmuş şəkildə idxal edilən toyuq əti və əlavələrinin çox hissəsi Ukraynadan gətirilir. 2021-ci ildə 22,07 min tonluq idxalın 18,4 min tonu Ukraynanın payına düşüb.
 
Qoz idxalında da Ukraynanın payı böyükdür. Ötən il xaricdən alınan 2 415 ton qabıqlı qozun 1 160 tonu Ukraynadan alınıb. Qabığı təmizlənən 1 966 ton qozun isə 1 640 tonu Ukraynadan gətirilib.

Diri buynuzlu heyvanların 29 faizi (21 min baş), iribuynuzlu heyvan ətinin 71 faizi (7 min ton), kərə yağının 24 faizi (4 min ton) Ukraynadan alınıb.
Azərbaycan Ukraynadan böyük miqdarda soya paxlalıları alır. Bir ildə ölkəmizə 33 min ton soya paxlalısı gətirilib. Bunun təxminən 18 min tonu Ukraynanın payına düşür.

Digər məhsullardan emal olunmuş tütünün (4,5 min ton) demək olar ki, hamısı, abidə və tikinti üçün digər daşların (5,85 min ton) 5,3 min tonu, minik avtomobilləri, yük avtomobilləri və avtobuslar üçün rezin kameraların (84,1 min ədəd) 68,7 min ədədi, emal olunmuş daşların (21,5 min ton) 17 min tonu Ukraynadan idxal edilib.  

Bu məlumatlar göstərir ki, Ukraynadan idxal fiziki cəhətdən mümkün olmadıqda ölkəmizin bir sıra qida məhsulları, tütün məmulatları, bəzi tikinti materialları ilə təminatında sıxıntı yaşanacaq.


Vasif
Sfera.az

 

OXŞAR XƏBƏRLƏR

Hərbi vəzifəlilər atəşin aparılması üzrə tapşırıqları icra ediblər - VİDEO

Hərbi vəzifəlilər atəşin aparılması üzrə tapşırıqları icra ediblər.   Sfera.az xəbər verir ki, bu barədə Müdafiə Nazirliyi məlumat yayıb. &nb...

"Qəbələ"nin baş məşqçisi istefa verdi

“Qəbələ” komandasının baş məşqçisi Elmar Baxşıyev istefa verib.   Sfera.az xəbər verir ki, klub rəhbərliyi 44 yaşlı mütəxəssisin istefası...

Bazar gününə olan hava proqnozu

Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.   Milli Hidrometeo...

“Mən yeyəcəkdim, sən ac qalacaqdın?” - Polkovniklə işçisi yeyintini bölə bilməyiblər + FOTO

Müdafiə Nazirliyində 143 milyonluq korrupsiya cinayəti ilə bağlı növbəti məhkəmə prosesi keçirilib.   Sfera.az “Qafqazinfo”ya istinadən x...

Bu xəstəxananın direktoru işdən çıxarıldı - FOTO

TƏBİB-in "Qusar Rayon Mərkəzi Xəstəxanası” publik hüquqi şəxsin baş direktoru vəzifəsindən azad edilib.   Sfera.az xəbər verir ki, TƏBİB s...

Fəzail Ağamalı: "Əsas ilkin və ciddi addımlar atıldı" - VİDEO

Azərbaycan Respublikası Milli Məclisinin 2024-cü il 23 fevral tarixli iclasında Millət vəkili, Ana Vətən Partiyasının sədri Fəzail Ağamalının çıxışı diqqət çəki...