Sfera.az xəbər verir ki, satılan almaz Cenevrədə ticarət tarixinin ən böyük ağ almaz olub.

Satılan almaz 228,31 karat ağırlığında armud formalı "The Rock” daşıdır. Lotun ilkin dəyəri 19-30 milyon İsveçrə frankı qiymətləndirilib və son nəticədə almaz 21 milyon İsveçrə frankına satılıb.

Hərraca rəhbərlik edən "Christie's” Cenevrə zərgərlik şöbəsinin rəhbəri Maks Favset armud formalı və mükəmməl simmetrik "The Rock”u "hərraca çıxarılan ən nadir daş-qaşlardan biri" kimi xarakterizə edib.

Auksionda "Harry Winston”, "Cartier”, "Van Cleef & Arpels” kimi ən məşhur zərgərlik evləri də iştirak edib.

"The Rock” 20 il əvvəl Cənubi Afrikadakı bir mədəndə tapılıb. Almaz Cenevrədə hərracda satılmazdan əvvəl Dubay, Taypey və Nyu-Yorkda da ictimaiyyətə nümayiş etdirilib.