“Qəbul imtahanları Təhsil Nazirliyinə verilməlidir” - SƏRT AÇIQLAMA
Təhsil
18:00 / 21.04.2022
1393
"24 mindən çox şəxs bu il 0-50 bal aralığında nəticə göstərib. Demək ki, təhsil maşını işləmir, motoru, siqnalı var, amma təkəri yoxdur”.
Sfera.az xəbər evrir ki, bu sözləri açıqlamasında Əməkdar elm xadimi, professor Şahlar Əsgərov deyib.
O, təhsil sahəsində tətbiq edilən imtahan prosesinin köklü dəyişikliyə ehtiyacı olduğunu söyləyib:
"Qəbul üzrə aparılan imtahan prosesi yenilənməlidir. 24 mindən çox şəxs bu il 0-50 bal aralığında nəticə göstərib. Demək ki, təhsil maşını işləmir, motoru, siqnalı var, amma təkəri yoxdur. Ona görə də irəliləyə bilmir. Dövlətin təhsilə ayırdığı vəsait biliyə çevrilmir.
Dünyanın 190 ölkəsində tətbiq edilən təhsil modeli bizdə də işə yarıya bilər. Mən hər zaman Məleykə Abbaszadəyə demişəm ki, o, təhsil siyasətinin yarısını öz əlində saxlayır. Bu işlə təhsil naziri məşğul olmalıdır. Ona görə də ölkəmizdə çox mürəkkəb sistem yaranıb”.
Şahlar Əsgərov çıxış yolunu bu şəkildə görür:
"İmtahan prosesi Təhsil Nazirliyinə verilməlidir. Mürəkkəb sistemlər nəzəriyyəsi var, burada deyilir ki, sistem nə qədər parçalanarsa, o dərəcədə idarəolunmaz hala gələcəkdir. Bizim ölkəmizdə təhsil sistemi parçalanıb. İmtahan götürən insanlarla, onun proqramını hazırlayanlar ayrı-ayrı mövqelərdədir. Təhsili bu cür idarə etmək olmaz”. (AzEdu.az)
