Rusiya üçün QORXULU SSENARİ: Hər şey bir anda olacaq - Qonşu ölkələr ilk addımı atdılar

 

Sfera.az bildirir ki, liderlər ikitərəfli görüşdən sonra keçirilən birgə mətbuat konfransında açıqlama veriblər. Marin bildirib ki, yaxın həftələrdə Finlandiyanın NATO-ya üzv olub-olmayacağına qərar veriləcək: 

"Biz bu prosesdən gələcəklə bağlı ümumi baxışları təhlil etmək və əldə etmək üçün istifadə edirik". 

NATO-ya üzvlüklə bağlı qərar vermək üçün dəqiq bir tarix verməyən baş nazir, "Ancaq proses kifayət qədər sürətli olacaq. Hər şey aylar yox, həftələr içində reallaşacaq”, - deyə əlavə edib.

Finlandiya hökuməti Rusiyanın Ukraynaya hücumlarından sonra ölkənin təhlükəsizlik strategiyasındakı dəyişikliklərlə bağlı "ağ kağız” adlanan təhlili bu gün parlamentə təqdim edəcək. Parlamentin yaxın həftələrdə NATO-ya üzvlüyü müzakirə etməyə başlayacağı gözlənilir. İsveçin baş naziri Andersson isə  "Bu, tariximizin ən mühüm dövrüdür. Təhlükəsizlik mühiti tamamilə dəyişdi. Biz İsveç, təhlükəsizliyimiz və sülh üçün nəyin yaxşı olduğunu düşünməliyik”, - deyə bildirib.

Digər tərəfdən, hərbi ekspertlərin fikrincə, hazırda Ukraynanın NATO-ya üzvlüyünə qarşı olan Rusiya üçün digər qonşu Finlandiyanın üzvlüyü ən pis ssenarilərdən biridir. NATO rəsmiləri hesab edirlər ki, Skandinaviya ölkələri üzvlük meyarlarının əksəriyyətinə artıq cavab verdikləri üçün onların alyansa qəbulu nisbətən sadə olacaq.

Xatırladaq ki, Rusiya uzun müddətdir qonşusu Finlandiyaya və digər şimal ölkəsi İsveçə NATO-ya qoşulmamaq barədə xəbərdarlıq edib. Lakin Putinin göstərişi ilə Ukraynada başlayan müharibədən sonra Moskvanın planı əks nəticə verib.