Rio-de-Janeyroda keçirilən Olimpiadanın açılış mərasimində Tonqo millisinin bayrağını daşıyan Pita Taufatufa bir anda məşhurlaşıb.

Publika.az xəbər verir ki, braziliyalı qadınlar Tonqonun bayraqdarına heyran qalıb. Taekvondoçunun zahiri görkəminə vurulan bir qrup qadın avqustun 21-də olimpiadanın bağlanış mərasimində Tonqo nümayəndə heyətini yola salmaq üçün kampaniyaya başlayıb. Artıq 20 min zərif cins nümayəndəsi yolasalma mərasiminə qatılacağını təsdiqləyib.