Rusiya-Ukrayna müharibəsində HƏLLEDİCİ HƏFTƏ: Ərdoğan-Putin-Zelenski görüşü baş tutarsa...

Maraqlıdır, Türkiyənin bu təşəbbüsləri effekt verəcəkmi?

Bununla bağlı Sfera.az-a açıqlama verən Beynəlxalq Münasibətlər və Diplomatiya Araşdırmaları Mərkəzinin eksperti Kənan Novruzov deyib ki, üçtərəfli görüş nəticəsiz başa çatsa da, bu, Türkiyə vasitəçiliyinin uğursuz olması demək deyil. Müsahibimizin sözlərinə görə, savaşın uzanması nə Kiyevin, nə Moskvanın ürəyincədir:

"Belə rəy yaradılıb ki, Putini dayandırmaq mümkün deyil. Ancaq dövlət başçısı istədiklərini alması üçün hələlik blef də edə bilər. Ən azından ona görə ki, Kremlin bu savaşdan qazanclı çıxmaq ehtimalı çox azdır. Moskva hazırda "komikadzedir": Məhv etsə, məhv olacaq.  Bu həftə ciddi proseslər gözlənilir. Kiyevin tamamilə işğalı istisna deyil. Həmçinin Türkiyə, Rusiya və Ukrayna dövlət başçıları səviyyəsində üçtərəfli görüşün gündəmə gəlməsi, o cümlədən tarixinin müəyyənləşdirilməsi və hətta baş tutması da mümkündür”.

Siyasi şərhçi qeyd edib ki, Ərdoğan həm Putinin, həm də Zelenskinin xilaskarına çevrilə bilər:

"Daxili siyasətdə "xal qazanmaq", növbəti prezident seçkiləri üçün divident toplamaq baxımından vasitəçilik təşəbbüsünün uğurla başa çatması, yəni daimi atəşkəsin təmin olunması və Üçüncü dünya savaşının qarşısının alınması Ərdoğan üçün çox əhəmiyyətlidir. Odur ki, səylər davam edəcək və böyük ehtimalla Türkiyə məqsədinə çatacaq”.