19 yaşlı hamilə qadın ərinə “Lamborghini” hədiyyə etdi - FOTOLAR
Media
16:26 / 14.03.2022
1371
Malayziyanın paytaxtı Kuala Lumpurda yaşayan 19 yaşlı hamilə qadın 20 yaşlı ərinə lüks "Lamborghini” avtomobili hədiyyə edib.
Sfera.az bildirir ki, Anes Ayuni Osman adlı qadının həyat yoldaşı Veldan Zulkefliyə təxminən 480 min dollar dəyərində avtomobil hədiyyə etməsi maraqla qarşılanıb. Qadın 100 günlük hamiləlik dövründə ərinin oyaq qalaraq ona dəstək olacağı üçün belə bir jest edib.
Anes bununla bağlı görüntüləri sosial media hesabında da paylaşıb. Belə ki, görüntülərdə qadının gözləri bağlı ərinə lüks avtosalonda firuzəyi rəngli "Lamborghini Huracan Evo” model avtomobili hədiyyə etdiyi görülüb. Ata namizədi isə şoka düşüb və ardınca göz yaşları içində arvadını qucaqlayıb.
"Evləndiyimizdən bəri həmişə xoşbəxt olmuşuq, xüsusən hamiləliyim zamanı həyat yoldaşım mənə yaxşı baxdı. Onun fədakarlığına minnətdar olmaqdan əlavə, bu "Lamborghini”ni ona hədiyyə edirəm. Çünki onun uşaq doğulandan sonra da yanımda olmasını istəyirəm”, - deyə Anes əlavə edib.
Türkan
Sfera.az
