Qərbdən Kremlə DAHA BİR HƏMLƏ - Putinin reytinqini aşağı salmaq üçün ikinci cəbhə açıldı – Şərh

 

 

Mövzu ilə bağlı Sfera.az-ın suallarını cavablandıran "Atlas” Araşdırmalar Mərkəzinin rəhbəri Elxan Şahinoğlu deyib ki, Putinin reytinqi hərbi müdaxilər zamanı artıb, ancaq onun üzləşəcəyi məğlubiyyət reytinqinə mənfi təsir edəcək. 

 

"Rusiya Ukrayna ilə müharibədə ilk gündən uğur qazansa və Qərbin reaksiyasi zəif olsa idi, Kreml başçısının reytinqi də artardı. Ancaq hadisələr heç də belə olmadı. 

 

Amerika kəşfiyyatı Putinin beyin pozğunluğu barədə məlumat yayıb. Böyük Britaniyanın "Daily Mail” nəşri isə Rusiya prezidenti Vladimir Putinin Parkinson xəstəliyi və ya xərçəng steroid müalicəsi nəticəsində yaranan beyin pozğunluğundan əziyyət çəkdiyini yazıb. Məqalədə Rusiya liderinin şişkin göründüyü, üzünün oval forma aldığı və qonaqlarla "absurd” məsafə saxladığı bildirilib. Nəşr iddia edib ki, Putinin son beş il ərzində qərar qəbul etməsində nəzərəçarpacaq dəyişiklik olub. Yazıda iddia edilib ki, Kreml sahibinin ətrafındakılar onun dedikləri və dünyanı necə qavraması ilə bağlı idrak və aydınlıqda nəzərəçarpacaq dərəcədə dəyişikliyi müşahidə edirlər.

 

Bu tipli məqalələr Qərblə Rusiya arasında informasiya savaşının tərkib hissəsinə oxşayır. Hazırda bu tipli məqalələr internetdə, sosial şəbəkələrdə və dünyanın müxtəlif saytlarında geniş yayılıb. Bu məqaləni Putinin ətrafındakılar da oxuyaraq özlərinə sual verəcəklər: "Bəlkə məqalədə yazılanlarda həqiqət payı var, onda Putinin yanlış qərarları bizi uçuruma aparır, onu dayandırmaq lazımdır”. Qərbə də bu lazımdır.

 

Bu xəbəri oxuyanlar Kreml sahibinin ətrafının kimə xidmət etdiyini anlamalıdır”.