Putindən kritik ADDIM: 16 min döyüşçü gətirir, silah paylayacaq

 

Sfera.az bildirir ki, o, Təhlükəsizlik Şurasının iclasında Rusiya tərəfində iştirak edəcək Yaxın Şərqdən olan "könüllü döyüşçülərin” Ukraynadakı münaqişə zonalarına daşınması barədə göstəriş verib. Putin, həmçinin Qərb dövlətlərindən göndərilən və ələ keçirilən raket və sursatları Rusiyaya dəstək verən qüvvələrə təhvil verməyə hazır olduğunu bildirib.

"Ukraynaya döyüşmək üçün gələnlərin olduğunu görürük. Biz də onlara qarşı döyüşməyə gələnləri məmnuniyyətlə qarşılayırıq və həmin şəxsləri döyüş meydanlarına çatdırmaqda kömək etməliyik. Dünyanın hər yerindən muzdluların toplanması və Ukraynaya göndərilməsinə gəlincə, görürük ki, Ukrayna rejimi və Ukraynanın Qərb sponsorları bunu gizlətmirlər. Beynəlxalq hüquqa məhəl qoymadan bunu açıq şəkildə edirlər”. 

Putin bununla da, Ukraynaya açıq şəkildə meydan oxuyub və öz ölkəsinin də eyni taktikanı tətbiq etməsini məqsədəuyğun hesab edib.

İclasda Rusiyanın müdafiə naziri Şoyqu isə Luqansk və Donetskdəki separatçı qüvvələrə Amerika istehsalı olan Javelin və Stinger tipli tank əleyhinə sursatların verilməsini təklif edib. Rusiyanın Ukrayna planının istədiyi kimi davam etdiyini deyən Şoyqu Yaxın Şərqdən 16 min insanın Rusiya ilə eyni cərgədə döyüşmək üçün ölkəyə gəlmək istədiyini bildirib.