Azərbaycanda iki körpə valideynləri tərəfindən atılıb: "Ac-susuz qalıblar"
12:04 / 02.02.2022
513
Azərbaycanda iki körpə uşaq valideynləri tərəfindən atılıb.
Sfera.az bildirir ki, bu barədə Azərbaycan Uşaqlar Birliyinin sədri Kəmalə Ağazadə paylaşım edib. O, 2 aydır azyaşlıların kirayə evdə ac-susuz qaldığını iddia edib.
K.Ağazadənin sözlərinə görə, bu barədə Daxili İşlər Nazirliyinə məlumat verilib və qurumun regional idarəsinin əməkdaşları tərəfindən məsələ dərhal araşdırılıb.
"Uşağın ataları tapılıb. Deyib gələcəm, amma heç inanmıram. Bu gün gedib o körpələri gördüm. 1 yaş 6 aylıq və 5 aylıq iki məsum... Ata isə deyir ki, gələcəm də nə olub ki”, - deyə Ağazadə əlavə edib.
AUB rəhbəri onların anaları ilə bağlı hər hansı məlumat qeyd etməyib.
Günay Rəsulqızı
Sfera.az
