“Bakı Rusiya-Ukrayna münaqişəsində, tərəf yox, vasitəçidir” - MÜSAHİBƏ

“Bakı Rusiya-Ukrayna münaqişəsində, tərəf yox, vasitəçidir” - MÜSAHİBƏ
Siyasi şərhçi Asif Nərimanlının Sfera.az-a müsahibəsi.

- Asif bəy,  Ukrayna Prezident Vladimir Zelenski ilə Azərbaycan Respublikasının Prezidenti İlham Əliyevin son görüşünü necə qiymətləndirirsiniz?

- Prezidentin Ukrayna səfəri Bakı-Kiyev siyasi xəttində növbəti yaxınlaşma təzahürü ilə yanaşı, geosiyasi proseslər fonunda da diqqət çəkir. Məsələ ondadır ki, Cenevrədə Rusiya-Qərb danışıqları davam edir. Bəllidir ki, tərəflər "yeni soyuq müharibə” perspektivinə hazırlaşırlar və əsas cəbhə Ukrayna olacaq.
Digər tərəfdən, Prezidentin Ukraynaya səfəri Türkiyə Prezidenti Rəcəb Tayyib Ərdoğanın ilin əvvəlində Kiyevə planlaşdırılan səfərindən öncə baş tutdu.
 
- Hesab edirsiniz ki, Bakının ayrı, Ankara-Bakı ikilisinin birgə strateji gedişi var?

- Bəli. İlham Əliyev bu səfərlə yeni Soyuq müharibənin hər iki tərəfinə faktiki olaraq mesaj verdi. Prezident həm qeyd etdiyim cəbhələşmədə yer almadan Qərbə Ukraynanın yanında olduğunu və ərazi bütövlüyü prinsipini dəstəklədiyini göstərir, həm də Kiyevin yanında mövqe sərgiləməklə Rusiya qarşısında balans yaradır. Hesab edirəm ki, bu, Cənubi Qafqaz masasında Moskvanın Bakının maraqlarını nəzərə alması baxımından əlimizi gücləndirə bilər.

- Sizcə, rəsmi Ankara və Bakı mövcud Ukrayna-Rusiya münaqişəsinin həllində vasitəçilik edə bilər?

- Bu, mümkündür. Prosesə humanitar məsələlərin həllində vasitəçiliklə başlaya bilərik. Təsadüfi deyil ki, Brüssel görüşündə Zelenski Əliyevdən Rusiyada və işğal olunmuş Krım və Donbasda əsir saxlanılan ukraynalıların azad edilməsi üçün kömək istədi. Buna görə də mümkündür ki, rəsmi Bakı bu məsələni Moskva ilə müəyyən kanallar vasitəsilə müzakirə edib və cari dövrdə nəticə əldə edəcək.

Hesab edirəm ki, Rusiya-Ukrayna münaqişəsinin həlli üçün alternativ masanın qurulması zəruridir. Məncə, bu Qərb-Rusiya masasında heç bir nəticə əldə edə bilməyən Kiyev üçün də məqbuldur. Məsələni Qərblə yox, Ukraynanın özü ilə müzakirə etmək istəyən Moskva üçün də daha optimal təklifdir. Bütün hallarda nəticənin əldə edilməsi çətin görünsə də, tərəflər müəyyən irəliləyişə nail olmaq naminə alternativ masaya isti yanaşa bilərlər.

- Belə çıxır ki, Ankara və Bakı Rusiya-Ukrayna münaqişəsində, tərəf kimi yox, vasitəçi kimi çıxış etmək istəyir?

-  Bəli. Əliyevin Ukrayna səfəri bu kontekstdə təsadüfi deyil. İstisna deyil ki, Ərdoğan Putinlə, Əliyev Zelenski ilə vasitəçiliyin ilkin təməlinin atılması istiqamətində iş aparır.

Söhbətləşdi: Turan Rzayev
 

OXŞAR XƏBƏRLƏR

“Fransa Azərbaycana qarşı çirkli təbliğat və dezinformasiya kampaniyası aparır” - BƏYANAT

“Fransa Azərbaycana qarşı çirkli təbliğat və dezinformasiya kampaniyası aparır”.   Sfera.az xəbər verir ki, bu barədə Müdafiə Nazirliyini...

Şəki rayonuna dolu düşüb - FAKTİKİ HAVA

İyunun 18-i saat 17:00-a olan məlumata əsasən əvvəlcədən xəbər verildiyi kimi, Şahbuz, Culfa, Ordubad, Daşkəsən, Qax, Xınalıq, Şəki, Qusar, Qrız, Şahdağ, Yardım...

MN Fransaya XƏBƏRDARLIQ ETDİ

“Ermənistan Azərbaycana qarşı hərbi təcavüz və işğal törətmiş dövlətdir”.   Sfera.az xəbər verir ki, bu barədə Müdafiə Nazirliyinin yaydı...

MN: "Makron rejimi regionda davamlı sülhün təmin olunmasına maneə olur"

“Cənubi Qafqaz regionunda militarizasiya və geosiyasi intriqa siyasəti yürüdən Makron rejimi Ermənistan ilə Azərbaycan arasında normallaşmaya və regionda ...

“NATO hərbi xərclərini 18 faiz artıracaq” – Stoltenberq

ABŞ prezidenti Co Bayden Ağ Evdə NATO-nun baş katibi Yens Stoltenberqi qəbul edib.  Sfera.az xarici mediaya istinadən xəbər verir ki, ikili burada med...

MN: "Yeni müharibəyə görə məsuliyyəti Ermənistan rəhbərliyi və Makron diktaturası daşıyacaq"

Azərbaycan Müdafiə Nazirliyi media vasitələrində Fransa ilə Ermənistan arasında “Caesar” özüyeriyən artilleriya qurğularının alqı-satqısı barədə kon...