“Məsələ araşdırılır...” – DİN sfera.az-ın yazısına reaksiya verdi
12:32 / 15.01.2022
1055
Bir neçə
gün öncə Sumqayıt şəhər Təhsil İdarəsinin Maliyyə şöbəsinin müavini Musa Məmmədovun
oğlu Fərid Məmmədovun satdığı avtomobili sonradan oğurlaması ilə bağlı məlumat vermişdik.
Daxili
İşlər Nazirliyi sözügedən məsələ ilə bağlı Sfera.az-ın yazdıqlarına münasibət
bildirib.
Saytımıza
daxil olan həmin məlumatda qeyd olunub ki, şikayətlə əlaqədar istintaq
araşdırmaları aparılır:
"Nailə
Qaragözovanın ona məxsus "Toyota Prado” markalı avtomobilin Fərid Məmmədov
tərəfindən oğurlanması ilə bağlı müraciəti əsasında hazırda Yasamal RPİ-də
istintaq araşdırmaları aparılır. Araşdırmanın nəticəsindən asılı olaraq məsələyə
hüquqi qiymət veriləcək”.