Pələng ilində doğulan və ölən tanınmışlar – SİYAHI
10:55 / 04.01.2022
2672
Şərq təqviminə görə
2022-ci il Su Pələnginin ilidir. Bu ilin ən ümumi xüsusiyyətləri pələngin möhkəm pəncəsi və
hamını lərzəyə salan nərəsi ilə bağlıdır.
Maraqlıdır, pələng
ilində hansı məşhurlar dünyaya gəlib, yaxud dünyadan köç edib?
Sfera.az XX əsrdən bu yana pələng ilində doğulan və dünyasını dəyişən
tanınmış şəxslərin siyahısını
təqdim edir:
1926 –
Bu il dünyaca məşhur
amerikalı aktrisa Merilin Monro dünyaya gəlib. 1926- cı ilin yadda qalan ölüm hadisəsi isə Azərbaycan ədəbiyyatında
faciə janrının əsasını qoymuş Nəcəf bəy Vəzirovla bağlıdır.
1938- Azərbaycan
Yazıçılar Birliyinin sədri Anar Rəsul oğlu Rzayev və 1992-1993-cü illərdə Azərbaycan
Respublikasının ikinci prezidenti olan Əbülfəz Elçibəy dünyaya gəlib. Sözügedən
il Türkiyə Cümhuriyyətinin qurucusu Mustafa Kamal Paşanın və qısa ömrü ilə Azərbaycan
ədəbiyyatında mühüm yer tutan Mikayıl Müşfiqin ölümü ilə dünya tarixinə yazılıb.
1962- Maraqlıdır
ki, bu tarixdə "dünyaca məşhur” olaraq təqdim edə biləcəyimiz nə hansısa şəxs dünyaya
gəlib, nə də bu kateqoriyadan kimsə dünyasını dəyişib.
1974- Türkiyəli məşhur
müğənni Kənan Doğulu, aktrisa, müğənni Ebru Gündeş, və ingiltərəli aktyor Kristian Beyl dünyaya gəlib.
ABŞ-nin 3-cü prezidenti Con Kennedi və türk yazıçı Nazim Hikmət isə 1974-cü ildə
dünyasını dəyişən məşhurlar sırasındadır.
1986- Bu il dünyaca
məşhur bir çox simaların dünyaya gəldiyini deyə bilərik. Belə ki, 1986-cı ildə
Heydər Əliyev Fondunun vitse-prezidenti Leyla Əliyeva, türkiyəli aktrisa Fəxriyyə
Evcen, dünyaca məşhur skripka ifaçısı və müğənni Aleksandr Rıbak, dünya şöhrətli
müğənni Ledi Qaqa, ispan futbolçu Sergio Ramos, fransalı futbolçu Kirian Mbappe
dünyaya gəlib. Bu il eyni zamanda azərbaycanlı tarixçi Yusif Yusifov dünyasını
dəyişib.
2010-Tarixin
bu təqvimi isə daha çox ölüm hadisələri ilə yadda qalır. Belə ki, bu ilin 15
aprel tarixində Telman Adıgözəlov, 18 may aktrisa Ofeliya Aslan, 12 iyun əməkdar
jurnalist, publisist Nailə Muradxanlı
dünyasını dəyişib. 2010-cu ildə eyni zamanda
Azərbaycanın Milli Qəhrəmanı Mübariz İbrahimov şəhidlik zirvəsinə ucalıb.
