Biznes mərkəzlərində icarə haqqı niyə bahalaşır? – Ekspertdən açıqlama
12:29 / 20.12.2021
694
"Biznes mərkəzlərində əvvəllər yerin 1 kvadrat
metri yerləşdiyi ərazidən və şəraitindən asılı olaraq 5 manatdan başlayır, təxminən
10-15 manat aralığında dəyişirdi. Hazırda icarəyə verilən obyektlərin qiymətlərində
isə artım müşahidə olunur”.
Bunu Sfera.az-a açıqlamasında əmlak məsələləri
üzrə ekspert Elnur Fərzəliyev deyib. Müsahibimiz artımın səbəbini bu cür izah
edib:
"Növbəti aylarda da qiymət artımları davam edəcəkmi?”
sualını cavablandırarkən ekspert qeyd edib ki, bu gün əmlak bazarında hələ ki
canlanma müşahidə edilmir:
"Amma qiymətlərdə artım var və səbəblər müxtəlifdir
- Sənədləşmənin çətin olması, dediyim
kimi tikinti materiallarının qiyməti və.s buna təsir edən faktorlardır. Evlərin
kirayə qiymətlərində də enmələrin şahidi olmuruq. Qiymət artımının qarşısını
almaq üçün – istər biznes mərkəzləri olsun, istərsə də evlər, sosial layihələrə
ehtiyac var. Avropa ölkələrində bələdiyyələrin sosial binaları var, ərazidə
yaşayan vətəndaşın gəliri azdırsa, kirayə pulunu ödəyə bilmirsə, bələdiyyəyə
müraciət edir, aylıq 600 avro verdiyi mənzilin yerinə, sosial evlərə 50-100
avro verir ( kommunalı özü ödəyir, digərləri dövlət tərəfindən qarşılanır). Bu
da qiymət artımının, insanların çətin vəziyyətdə qalmasının qarşısını alır. Bu
baxımdan oxşar sistemin bizdə də tətbiqinə imkan yaradılmalıdır”.
Günay Rəsulqızı
