Avronun dizaynı dəyişdiriləcək
İqtisadiyyat
15:36 / 07.12.2021
700
Avropa Mərkəzi Bankı 2024-cü ilə qədər avro əskinasları üçün yeni dizayn yaratmağı planlaşdırır.
Sfera.az xarici mətbuata istinadən xəbər verir ki, bu haqda bankın saytında məlumat yerləşdirilib.
Avronun dizaynı son 20 ildə ilk dəfə dəyişdiriləcək. Bundan əvvəl də əskinaslara müəyyən dəyişiklik edilib. Lakin bu dəyişikliklər yalnız saxtakarlıqdan qorunmaq üçün yeni vasitələrin əlavə edilməsindən ibarət olub. Bu dəfə dəyişiklik daha fərqli olacaq və bunun üçün avropalıların fikri öyrəniləcək.
Əskinasların dizaynı ilə bağlı avrozona sakinlərinin fikirlərini toplamaq üçün fokus qruplar yaradılacaq. Sonra xüsusi məsləhət qrupuna avrozonanın bütün ölkələrindən milli banklar tərəfindən seçilmiş nümayəndələr daxil olacaq. Müzakirələrdə müxtəlif sənaye sahələrinin nümayəndələri (tarixçilər, memarlar, riyaziyyatçılar, fotoqraflar və s.) də iştirak edəcəklər.
Yekun qərar Mərkəzi Bank tərəfindən ictimai məsləhətləşmələrdən sonra veriləcək. Avropa Mərkəzi Bankının rəhbəri Kristin Laqard deyib ki, artıq əskinasların bütün yaş və mənşəli avropalılara daha yaxın olması üçün onların xarici görünüşünə yenidən baxmağın vaxtı çatıb. Yeni dizayn üçün seçim prosesi rəqəmsal avronun inkişafı ilə paralel gedəcək.
Vasif
Sfera.az
