BMT-nin Beynəlxalq Məhkəməsi bu gün "İrqi
ayrı-seçkiliyin bütün formalarının ləğvi haqqında” Beynəlxalq Konvensiyanın
pozulması iddiası üzrə qərar çıxaracaq.
Maraqlıdır, BMT-nin Beynəlxalq Məhkəməsi qarşlıqlı iddialarla bağlı necə qərar verə
bilər? Məhkəmənin
Azərbaycan, yaxud Ermənistan lehinə qərar
verməsi gözləniləndirmi?
Mövzu ilə bağlı Sfera.az-a danışan deputat Elman Nəsirov
BMT-nin öz imici üçün müsbət qərar qəbul etməli olduğunu bildirib:
"Hər kəsə gün
kimi aydın olan məsələdir ki, bir milyondan artıq məcburi köçkün
və qaçqının yaranmasının səbəbkarı Ermənistan dövləti
olub. Onlar Azərbaycana qarşı etnik təmizləmə siyasəti həyata keçiriblər. Eyni
zamanda ermənilər Azərbaycanın tarixi abidələrini, mədəni irsini məhv ediblər.
Biz bütün bu reaallıqların fonunda Ermənistana qarşı məhkəmə iddiası ilə çıxış
etmişik. BMT öz simasını qoruyub saxlamaq üçün ədalətli bir qərar qəbul etməlidir.
Əgər BMT Ermənistanın xeyrinə, yaxud balanslı qərar qəbul etsə, bu onsuz da nüfuzu
xeyli zəifləmiş BMT-ə, onun strukturlaına və ədalət prinsipinə ağır zərbə
olacaq. Ona görə də BMT ilk növbədə 30 ildə icra etmədiyi sənədləri icra edən
Azərbaycana qarşı müsbət istiqamətdə qərar qəbul etməlidir.
BMT-nin nizamnaməsinin 25-ci maddəsində yazılıb ki,
BMT-nin qəbul etdiyi qətnamələrin icrası məcburidir. Bu gün sözgedən təşkilatın
üzərinə böyük məsuliyyət düşür. Onun laxlayan nüfuzu üçün doğru qərarın verilməsi
vacibdir".
Millət vəkili Sabir Rüstəmxanlı isə BMT-nin Ermənistan
lehinə qərar çıxarmasının da mümkün ola biləcəyini qeyd edib:
"Mən bu məsələ ilə bağlı konkret olaraq necə qərar
çıxarılmasını deyə bilmərəm. Ermənistan BMT-nin qətnamələrini bundan əvvəl də
yerinə yetirməyib. BMT tərəfindən Ermənistanın növbəti yalan iddiasını təsdiqləyən
qərar da çıxa bilər. Ermənistan həmişə öz yalanlarına, riyakarlıqlarına don biçməyi
bacarır. Əgər biz yubansaq, işğaldan azad olunan ərazilərmizdəki dağıntılarla
bağlı həqiqətləri dünyaya çatdırmasaq, sabah Ermənistan bunu fərqli formada təqdim
edəcək. Azərbaycan təkcə BMT məhkəməsində
yox, Avropa məhkəməsində də sözügedən məsələlərlə bağlı iddia qaldırılmadır".
Əzizə Zeynal
