Ən az şüa yayan telefonlar - SİYAHI
Maraqlı
11:49 / 25.11.2021
1010
Gündəlik həyatımızda demək olar ki, hər şey üçün smartfonlardan istifadə edirik. Mobil qurğular vasitəsilə internetdən istifadənin rahat olması aktivliyi artıran əsas səbəblərdən biridir. Lakin mobil qurğulardan daha çox istifadə insanların həyatını yüngülləşdirdiyi kimi onların sağlamlığına da zərər vurur. Mobil telefondan çox istifadə elektromaqnit şüallanmasının təsirini də artırır.
Sfera.az bildirir ki, buna görə də telefon seçən zaman onun SAR (Specific Absoration Rate) göstəricinə diqqət yetirmək lazımdır. SAR dəyəri telefonun orqanizmə ötürdüyü şüaların miqdarını göstərir. Dəyər böyüdükcə telefonun yaydığı şüaların orqanizmə vurduğu zərər artır və sağlamlıqda böyük problemlər yaranır. Elm adamlarının rəyinə əsasən SAR dəyərinin 1 W/kg və bundan az olması önəmlidir.
Yeni araşdırma nəticəsində məlum olub ki, smartfonlardan yayılan şüalar xərçəngli ürək şişləri kimi bəzi xəstəliklərə səbəb olur. Bundan əlavə, DNT zədələnməsinə də səbəb ola bilir.
Bəs, hansı mobil telefonlarda şüalanma azdır?
Türkiyədə aparılan bir araşdırmaya əsasən həmin telefon modelləri aşağıdakılardır:
- Poco M3
- Samsung Galaxy
- Oppo A73
- Apple iPhone 13 Pro
- General Mobile GM 20 PRO
- Realme 6
- General Mobile GM 20
- Xiaomi Redmi 9C
- Xiaomi Redmi 9T
Yuxarıda sadalanan cihazlar şüalanma dərəcəsi baxımından daha məqbuldur. Amma ümumilikdə deyə bilərik ki, smartfonlar yüksək şüalanma dərəcəsinə malikdir. Bu, uzun müddət mobil telefonlarından istifadə etdiyiniz zaman başınızın ağrımasının vacib səbəblərindən biridir.
Vasif
Sfera.az
