Atalığının təcavüzünə məruz qalan 11 yaşlı qızın qardaşı da sığınacağa yerləşdirildi
16:03 / 04.11.2021
1203
İmişlidə zorakılığa məruz qalaraq uşaq dünyaya gətirən 11 yaşlı uşağın qardaşı da sığınacağa yerləşdirilib.
Bu barədə Sfera.az-a Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin mətbuat katibi Murad Həşimov məlumat verib.
O bildirib ki, azyaşlı artıq Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin müvafiq müəssisəsindədir.
"Azyaşlı Sosial Xidmətlər Agentliyi ilə aidiyyatı dövlət orqanları və İmişli Rayon İcra Hakimiyyətinin birgə əməkdaşlığı çərçivəsində, sığınacağa yerləşdirmə qaydalarına uyğun olaraq müəssisəyə gətirilib. Onun da psixoloji-sosial vəziyyəti qiymətləndirildikdən sonra reabilitasiyası istiqamətində fəaliyyətə başlanacaq”, deyə qurum rəsmisi əlavə edib.
Xatırladaq ki, 11 yaşlı qız və anası ötən gün sığınacağa yerləşdirilmişdi.
Günay Rəsulqızı
Sfera.az
