Türkürpədən qətl: Ata qızını qadın alverçilərinə satan 19 yaşı gənci belə cəzalandırdı

 

Sfera.az xəbər verir ki bu barədə "Fox News" telekanalı məlumat yayıb.

Məlumata görə, qətlə yetirilən 19 yaşlı gənc sevgilisini 2020-ci ilin oktyabrında 1000 dollar qarşılığında qadınları seks işçiliyinə məcbur edən şəbəkəyə satıb.  Polisin bildirdiyinə görə, dəhşətli qətl də məhz bu səbəbdən baş tutub. Belə ki, ata Con Eyzenman qızını həmin şəbəkənin əlindən xilas etdikdən sonra evinə gətirib. Daha sonra da qadın alverçilərinə satışı həyata keçirən Sorensonun izinə düşüb.

Çox keçmədən qızını satan Sorensonu yaxalayan Eyzenman onun əl və ayağını bağlayıb maşınının baqajına qoyub. O, Sorensonun başına küt alət ilə vurub, qarnına ardıcıl bir neçə bıçaq zərbəsi endirib. Qatil ata daha sonra öldürdüyü gənci maşını ilə birlikdə ucqar tənha əraziyə aparıb və orada qoyub. 

Avtomobil 2021-ci ilin oktyabrında ərazidən keçən insanlar tərəfindən təsadüf nəticəsində tapılıb. Onlar öldürülən şəxsin cəsədini baqajda aşkarlayıblar. 

Cəsədin ortaya çıxmasından sonra qızın atası birinci dərəcəli şübhəli kimi həbs edilərək istintaqa cəlb edilib. Polisin verdiyi məlumatlara görə, bu hadisədən əvvəl Eyzenmanın adı heç bir qanun pozuntusu və ya zorakılıq hallarında aşkarlanmayıb.