Azərbaycanda DƏHŞƏTLİ QƏTL: Meyitin yiyəsi AXTARILIR - FOTO
16:40 / 01.11.2021
1700
Sumqayıt şəhər Novxanı bağlar yaşayış massivində baş verən qətl hadisəsi ilə bağlı yeni təfərrüatlar ortaya çıxıb.
Hüquq-mühafizə orqanlarından Sfera.az-a verilən məlumata görə, hadisə sentyabrın 29-u gecə saat 3 radələrində qeydə alınıb. Həyət evlərindən birinin gözətçisi 39 yaşlı Ramin Əlixanov əvvəllər tanış olduğu 40-45 yaşlarında bir kişini külünglə vuraraq öldürüb. Daha sonra meyiti yaxınlıqdakı həyətlərdən birində basdırıb.
Məlumata əsasən, öldürülən adamın adı Cəfərdir. Əldə etdiyimiz məlumata görə, onlar əvvəlcə yeyib-içiblər. Daha sonra sərxoş tərəflər arasında söyüş üstündə mübahisə yaranıb. Öldürülən şəxs R. Əlixanovu söyüb. Ramin də külünglə həmin şəxsin başına bir neçə zərbə vuraraq həyatına son qoyub.
Hadisədən 1 ay keçsə də, öldürülən şəxsin kimliyi bilinmir və yaxınları tapılmayıb.
Sfera.az qətlə yetirilən şəxsin fotosunu təqdim edir. Onu tanıyanlardan Daxili İşlər Nazirliyinin "102" xidmətinə və ya Sumqayıt şəhər Polis İdarəsinə məlumat vermələri xahiş olunur.
