“Ən yüksək cəza verin, lap axtalayın...” – Deputat zorlanan 11 yaşlı qızdan danışdı
11:10 / 01.11.2021
1498
"Azyaşlı qızlara və oğlanlara təcavüz edən
pedofillərə ömürlük həbs cəzasının verilməsi tələb olunur. Razıyam, cəza
maksimum səviyyədə sərtləşdirilməlidir”.
Sfera.az bildirir ki, bunu Milli Məclisin
deputatı Fazil Mustafa deyib. O, bu cür cinayətlərin yüzlərlə olduğunu, lakin
gizlədildiyini vurğulayıb:
"Bunu gizlədənlərin və hətta buna şərait
yaradanların içində ana, bacı, qohumlar, yaxınlar yer alır. Gizlətməyin iki səbəbi
var: Birincisi, çevrənin qınağı, məsxərəsi, tənəsi, ikincisi isə ədalət müəssisəsinə
güvənsizlik. Çığırıram,
bağırıram, ölkədə təhsildən kənarda heç bir uşaq qalmamalıdır, xüsusilə də qız
uşaqları. Qızlar üçün kolleclər yaradan sahibkarları vergidən azad edin, qoy
yurdlar yaratsınlar, himayəsiz uşaqların ciddi dövlət nəzarəti altında onların
təhsil alması təmin edilsin. Birinə, beşinə ən yüksək cəza verin, istəyirsiniz
lap axtalayın. Bu sadəcə bir təsəllidir, heç bir ibrət tərəfi olmayacaq”.
Millət vəkilinin sözlərinə görə, İmişlidəki 11
yaşlı uşaq cinsi terrorun qurbanıdır və artıq gələcəyi, gəncliyi, arzuları məhv
edilib:
Günay Rəsulqızı
