“Prezidentin Anım Günündə səsləndirdiyi fikirlər...” – Deputatdan açıqlama
Siyasət
13:56 / 27.09.2021
720
"Prezidentin xalqa müraciəti qüdrətimizin Ali Baş Komandanın dilindən
tərənnümü ilə yanaşı, Azərbaycan xalqının iradəsinin, gücünün erməni faşizminin
təxribatlarının qarşısını hər zaman almağa qadir olduğunun ifadəsidir”.
Bu sözləri Sfera.az-a açıqlamasında Azərbaycan Prezidenti
İlham Əliyevin Vətən müharibəsinin başlanmasının ildönümü, Anım Günü münasibətilə
xalqa müraciətini dəyərləndirərkən, Milli Məclisin deputatı Elşad Mirbəşiroğlu
deyib:
"Cənab Prezident 27 sentyabr Anım Günü münasibətilə xalqa
müraciətində vacib məqamlara toxundu. Burada Prezident Ermənistanın növbəti təxribatları,
xalqımıza qarşı cinayətlərinin qarşısını almaq və onlara cavab vermək məqsədilə
əks-hücum əməliyyatlarına başladıqlarını vurğuladı. Hansı ki qısa zamanda Ermənistan
ordusuna ciddi zərbələr endirildi. Dövlət başçısı çıxışında Vətən müharibəsi öncəsi Ermənistanın
davranışlarına toxunaraq, onun ölkəmizə qarşı təxribatları intensivləşdirməsi,
hərbçilər və mülki əhalimiz arasında itkilərin olmasından bəhs etdi. Amma Azərbaycan
xalqı Ermənistanın bu təxribatlarından əsla sarsılmadı, öz irədəsini nümayiş
etdirərək, Vətən müharibəsində qələbə qazandı”.
Deputat bildirib ki, Prezident çıxışında
dünya ölkələrinə də olduqca sərt və qəti mesajını ünvanlayıb: "Qeyd etdi ki, kimlərsə öz ərazilərində "Dağlıq
Qarabağ” adında hansısa
dövlət yaratmaq istəyirsə, ona etiraz etmirik, onu tanımağa da hazırıq. Amma Azərbaycan
torpaqlarında heç vaxt belə hal baş verməyəcək. Ölkə Prezidentinin Anım Günündə
səsləndirdiyi fikirlər təbii ki, indiki reallıqlarla tam uzlaşır. Son dövrlər
erməni havadarları tərəfindən qondarma rejimin statusu məsələsinin ATƏT-in
Minsk qrupu formatına qaytarılması ətrafında məsələ yenidən
aktuallaşdırılmaqdadır. Prezident məsələ ilə bağlı Azərbaycan dövləti və
xalqının iradəsini bəyan edərək qeyd etdi ki, bu istiqamətdə heç zaman öz
mövqeyimizdən geri çəkilməyəcəyik. Azərbaycan Prezidenti "dəmir yumruğ”un
yerində olduğunu bir daha vurğuladı”.
Həmsöhbətimizin fikrincə, dövlət başçısının çıxışda diqqəti
cəlb edən başlıca məqam isə onun Dağlıq Qarabağ adında ərazinin olmadığını
vurğulaması və Azərbaycan ərazisində belə bir adda hansısa statusdan
danışmamağı məsləhət görməsi oldu:
Elçin
