"Həmsədrlərə yenidən qapı göstərmək lazımdır" - AÇIQLAMA
Siyasət
14:29 / 14.09.2021
1217
"Azərbaycan 10 noyabr bəyanatında göstərilən müddəaların bəzilərinin yerinə yetirilməsini tələb etmək siyasətinə başlamalıdır”.
Sfera.az bildirir ki, bunu təhlükəsizlik məsələləri üzrə ekspert İlham İsmayıl deyib.
Ekspert qeyd edib ki, erməni silahlı birləşmələri Azərbaycanın Qarabağ bölgəsindən çıxarsa, qaçqınlarımız keçmiş Dağlıq Qarabağa qayıdarsa və dövlət strukturlarımızın fəaliyyəti bərpa olarsa, o zaman ATƏT-in Minsk Qrupu ilə nəzakət xətrinə görüş keçirmək olar:
"İndi isə tək-tək gələn, sonra yenidən nəticəsiz danışıqlara başlayıb zamanı uzatmağa çalışan həmsədrlərə yenidən qapı göstərmək lazımdır. Onların yeni situasiyaya uyğun yeni təklifləri yoxdur”.
İ.İsmayıl Azərbaycanın ərazi bütövlüyünü tam təmin etmək üçün yeni siyasi addımlar atmalı olduğunu vurğulayıb:
"Əks halda ermənilərin tərəfində dayanan Minsk Qrupu həmsədrləri təzyiqlərini artıracaq”.
Günay Rəsulqızı
Sfera.az
