İran və Pakistan Əfqanıstanla bağlı hansı qərara gəlib? - "Vətəndaş müharibəsi ola bilər..."

Görüşdə ikitərəfli və regional məsələlər, xüsusilədə Əfqanıstandakı vəziyyət müzakirə edilib.

Məsələ ilə bağlı Sfera.az-a danışan politoloq Məhəmməd Əsədullazadə Pakistanın Əfqanıstan məsələsi ilə bağlı İrana müəyyən mənada təzyiq etdiyini bildirib:

"Əfqanıstanda Talibanın hakimiyyətə gəlməsi təbii olaraq Əfqanıstana qonşu olan Pakistan və İranı yaxından maraqlandırır. Hər iki ölkə Talibanın hakimiyyətə gəlməsi ilə ciddi problemlə üzləşib. Pakistanda Talibanın silahlı radikal qrupu var ki, onlar puştuların yaşadığı ərazidə silahlı üsyana qalxmaq istəyirlər. Həmçinin, Talibanın İrana qarşı yaxın perspektivdə sərhəddə silaha əl atması ilə bağlı qorxu var. Bundan başqa Taliban və Pakistanın hakimiyyətdə olan əsas qüvvələrinin bir-biri ilə sıx əlaqələri mövcuddur. Pakistanın xarici işlər nazirinin İranla sərhəddə Talibanla əlaqələrin bundan sonra hansı istiqamətdə qurulacağı,Talibana Pakistan və İranın tam dəstəyinin verilib-verilməməsi məsələsi də müzakirə olunacaq". 

"Pakistanın təktərəfli olaraq Talibana dəstəyi və İranın Talibana qarşı  fqanıstanda silahlı qüvvələri dəstəkləməsi təbii olaraq Əfqanıstanda sülhün əldə edilməsinə maneə olar. Bu səbəblə Əfqanıstan daxilində vətəndaş müharibəsi də başlaya bilər. Ona görə də Pakistan çalışır ki, həm ölkə daxilində Talibanın bir qanadı ilə əməkdaşlığı qoruyub-saxlasın və İranın dəstək olduğu silahlı qüvvələr taliblərə qarşı əks hücuma keçməsin. Ümumi situasiyaya uyğun olaraq İran və Pakistan birgə fəaliyyət göstərəcək".

Əzizə Zeynal 

Sfera.az