“Etibar Əliyev qanmaz və paxıl adamdır” – Misir Mərdanov onu işdən niyə qovubmuş?
12:41 / 19.07.2021
1237
"Etibar
Əliyevin bu açıqlaması Prezidentin yürütdüyü siyasətə qarşı çıxmaqdır”.
Bu sözləri
Sfera.az-a açıqlamasında Milli Məclisin deputatı Etibar Əliyevin jurnalistlərə
verilən evlərlə bağlı qalmaqallı fikirlərinə münasibət bildirərkən, politoloq
Cümşüd Nuriyev deyib.
Həmsöhbətimizin
fikrincə, dövlət hər zaman mətbuat nümayəndələrinə qayğı göstərməlidir:
"Dövlət
jurnalistlərin ona görə qayğısına qalmalıdır ki, 44 günlük müharibə dövründə
mediamız yüksək səviyyədə işləyərək, Azərbaycan həqiqətlərini dünyaya çatdırdılar.
Bu gün də həmin siyasəti davam etdirirlər”.
C.
Nuriyev bildirdi ki, ölkədə normal reklam bazarı olsaydı, E. Əliyev dediklərində
haqlı olardı: "Jurnalistlərə bu evlərin verilməməsini o vaxt tələb etmək olardı
ki, mətbuatın normal reklam bazarı olsun. İndilikdə isə bu yoxdur. Jurnalist
ayda 300-500 manata işləyirsə və ailəsini dolandırmaq üçün bəziləri müəyyən əyri
yola gedirsə, burada günahkar onun özü deyil, həmin şəraiti yaradan hökumətdir.
Etibar Əliyevin necə seçildiyi də məlumdur”.
Nuriyev
qeyd edib ki, deputatın jurnalistlər barədə belə açıqlaması səlahiyyətini başa
düşməməsindən irəli gəlir: "Dövlət başçısı elan edibsə ki, jurnalistlər üçün
yaşayış binası tikilsin, Etibar Əliyev kimi şahsevən deputat bunun əksini
danışmaqla birbaşa Prezidentin yürütdüyü siyasət əleyhinə təbliğat aparır.
Əslində, onda Prezidentin əleyhinə getmək cürəti yoxdur. Bu adam qorxaq olmaqla
yanaşı, bunu sadəcə başa düşməməkdən, qanmazlıqdan, özünü publikaya göstərməkdən
ötrü edir”.
Rüfət
SULTAN
