Bakı-Naxçıvan aviareysləri bərpa olundu

"Ötən gün Naxçıvan Muxtar Respublikasında hava şəraitinin pis olması səbəbindən təxirə salınan reyslər bərpa olunub".

Sfera.az bildirir ki, bunu azvision.az-a Azərbaycan Hava Yolları Qapalı Səhmdar Cəmiyyətinin (AZAL) mətbuat xidmətinin rəhbəri Paşa Kəsəmənski deyib. 

O qeyd edib ki, Naxçıvanda hava şəraiti uzun müddət yaxşı olmadığı üçün bütün təyyarə reysləri təxirə salınmışdı: "Bir təyyarə geri qayıtdıqdan sonra digər təyyarələr havaya qalxmadı. Lakin gecə saat 1-dən başlayaraq sərnişinlər Naxçıvana yola salınıblar".

Qeyd edək ki, dünən Bakıdan Naxçıvana uçan sərnişin təyyarəsi məcburən paytaxta geri qayıdıb. Təyyarənin geri qayıtmasına səbəb hava şəraitinin pis olması göstərilb.