ABŞ-dan daha bir ölkəyə yeni SANKSİYA
Dünya
11:02 / 29.05.2021
2404
"Ryanair" sərnişin təyyarəsinin ötən həftə Minsk şəhərinə təcili eniş etməsi ilə bağlı hadisəyə görə Belarusa qarşı geniş sanksiyalar tətbiq edəcək.
Sfera.az xəbər verir ki, bu haqda Ağ Evin mətbuat katibi Jen Psaki məlumat verib.
O bildirib ki, Belarusun iki Avropa İttifaqı ölkəsi arasında uçan sərnişin təyyarəsini zorla yerə endirməsi və belaruslu jurnalist Roman Protaseviçi tutması beynəlxalq normalara birbaşa təhqirdir.
J. Psaki əvvəllər sanksiyalardan azad olan 9 Belarus dövlət şirkətinin iyunun 3-də yenidən sanksiya siyahısına salınacağını qeyd edib.
ABŞ rəsmisi Avropadakı müttəfiq ölkələrlə birlikdə Minskə qarşı hərtərəfli sanksiyalara hazırlıqlarının davam etdiyini açıqlayıb.
Xatırladaq ki Yunanıstandan Litvaya uçuş edən "Ryanair" sərnişin təyyarəsi Belarus səmasında olarkən bomba şübhəsi səbəbilə yerə endirilmiş, təyyarədəki müxalif jurnalist, "Nexta" teleqram qrupunun yaradıcısı Roman Protaseviç saxlanılmışdı.
Əzizə Zeynal
Sfera.az
