Həsrət Cəfərov Avropa üçüncüsü oldu
23:33 / 23.05.2021
3408
Şimali Makedoniyanın paytaxtı Skopyedə 23 yaşadək güləşçilərin Avropa çempionatı sona yaxınlaşır.
Sfera.az xəbər verir ki, altıncı yarış günündə 60, 67, 72, 82 və 97 kq-da çıxış edən yunan-Roma güləşçiləri mübarizəyə qoşulub. Həsrət Cəfərov ilk mərhələdən rumıniyalı rəqibinə qalib gəlib. Gürcüstan pəhləvanını sonuncu xal prinsipinə əsasən sıradan çıxaran həmyerlimiz yarımfinalda Macarıstan idmançısına minimal fərqlə uduzub.
Rəqib yarımfinaladək heç bir görüş keçirmədiyi üçün, yəni Fransa və Avstriya güləşçiləri xalça üzərinə çıxmadığı üçün Həsrət birbaşa Avropa üçüncüsü olub.
Bundan əlavə, Xasay Həsənli Avropa çempionatına İsveçrə güləşçisi üzərində qazandığı inamlı qələbəylə start verib. Ancaq daha sonra böyüklər arasında Avropa ikincisi olmuş erməni rəqibinə məğlub olub. Gənc güləşçimiz təsəlliverici görüşdə isə gürcü həmkarıyla bacarmayıb.
