İrandakı prezident seçkilərinin əsas namizədləri kimdir? – Politoloq gözləntilərdən danışdı
11:08 / 21.05.2021
2012
"İranın keçmiş prezidenti Mahmud Əhməd Nejat
yenidən böyük siyasətə qayıdır və iyunda keçiriləcək seçkilərdə iştirak etmək
fikrindədir”.
Onun sözlərinə görə, Konstitusiya Mühafizəsi
Şurasının Əhməd Nejatın namizədliyini təsdiq edib-etməyəcəyi İranda və region
dövlətlərində də ciddi maraqla gözlənilir:
"Çünki 2017-ci il seçkilərində onu namizədliyini
geri götürməyə məcbur etmişdilər. Qeyri-rəsmi mənbələrin verdiyi məlumata görə,
Əhməd Nejatı 2021-ci ildən sonra yenidən prezident görmək istədikləri ona
çatdırılmışdı. Əgər namizədliyi təsdiq edilərsə, keçmiş prezidentin yenidən bu
kürsüyə oturmaq ehtimalı ciddiləşir.
Şura artıq bir neçə görüş keçirib. Amma namizədlərin
sayı olduqca çoxdur və yoxlamanın nəzərdə tutulan vaxta başa çatdırılması şübhə
doğurur. 40 qadın olmaqla, 592 nəfər prezident marafonuna qoşulmaq istəyir.
Bunların içindən 7-10 nəfər ən layiqlisini seçmək olduqca çətindir. Ən yaxşı
halda, Şura seçkiyə buraxmaq istədiyi və artıq yuxarı dairələrdə məlum olan
kiçik bir qrup şəxsi ayıracaq, sonradan isə seçkiyə buraxılması nəzərdə
tutulmayanlar üçün səbəblər toplayacaq”.
Müsahibimiz seçkiyə buraxılmaq ehtimalı olan şəxslərdən
də söz açıb: "Təbnak xəbər agentliyinin proqnozuna görə, onların arasında Ali Məhkəmənin sədri İbrahim
Rəisi, Məsləhət Şurasının katibi Mühsin Rezayi, keçmiş nüvə danışıqları rəhbəri
Səid Cəlili, vitse-prezident İsaq Cahangiri, keçmiş müdafiə aziri Hüseyin
Dehqan, keçmiş parlament spikeri Əli Laricani, İran televiziyasının keçmiş rəhbəri
İzzətullah Zərqami, əmək naziri Məhəmməd Şəriətmədari və Mərkəzi Bankın sədri
Əbdülnasir Himməti var.
Günay
