“Komandamız həddindən artıq yorğundur” - Rəşad Sadıqov
22:28 / 09.05.2021
2809
"Oyun gərgin keçdi. Qələbə qazanmaq istəyirdik. 3 xalın bizim üçün çox vacib olduğunu bilirdik. Amma alınmadı".
Sfera.az xəbər verir ki, bu sözləri "Zirə”nin baş məşqçisi Rəşad Sadıqov Premyer Liqanın 26-cı turunda evdə "Qəbələ” ilə keçirilən oyundan sonra mətbuat konfransında deyib.
O, qolsuz başa çatan matçı belə şərh edib:
"Bəzi qol epizodlarımız oldu, ancaq rəqibin də şansları var idi. Şükürlər olsun ki, bundan istifadə edə bilmədilər. Komandamız həddinən artıq yorğundur. Bunu artıq 10-cu dəqiqədən hiss etmək olurdu. Sıx qrafiklə oynamaq çətindir. Buna geniş heyət lazımdır. Bəzi dəyişikliklər effekt versə də, qol vura bilmədik. Əlimizdən gələni edəcəyik ki, qarşıdakı iki turda yaxşı nəticə qazanaq”.
