"EuroHome"un sahibi "RabitəBank"ın səhmdarıdır? - RƏSMİ AÇIQLAMA
Kriminal
18:50 / 27.04.2021
4102
13:38
"EuroHome" tikinti materialları bazarının direktoru Samir Məmmədov hüquq-mühafizə orqanları tərəfindən saxlanılıb.
Sfera.az bildirir ki, o, yanğın təhlükəsizliyi ilə bağlı qaydaları pozduğuna görə Binəqədi rayon məhkəməsinin qərarı ilə həbs edilib.
Qeyd edək ki, "EuroHome"un sahibi Azay Möhnətovdur.
AF Holdinq Bakıda yüksəkmərtəbəli binaların, otellərin, ofis mərkəzlərinin, topdansatış mərkəzlərinin, istirahət mərkəzlərinin inşaatı ilə məşhurdur.
Holdinqin sahibi Azay Möhnətovun "RabitəBank"ın da səhmdarlarından biri olduğu bildirilir.
***
"EuroHome"un sahibi Azay Möhnətovun "RabitəBank"da səhmdarlarından biri olması iddia olunur.
Məsələ ilə bağlı Sfera.az-a "RabitəBank"ın PR meneceri Gülşən Həsənzadə açıqlama verib.
Bankın sözçüsu yayılan xəbəri təkzib edərək sözügedən şəxslə "RabitəBank"ın heç bir əlaqəsi olmadığını bildirb.
""RabitəBank"ın rəsmi saytına keçid etdikdə bankın səhmdarlarının kim olduğuna dair bütün məlumatları tam dolğunluqla görmək olur. "RabitəBank" 27 ildir ki, fəaliyyət göstərir və bu illər ərzində təqdim olunan şəxslə yəni Azay Möhnətovla heç bir əlaqəmiz olmayıb".
Qeyd edək ki, bu gün "EuroHome" tikinti materialları bazarının direktoru Samir Məmmədov yanğın təhlükəsizliyi ilə bağlı qaydaları pozduğuna görə, Binəqədi rayon məhkəməsinin qərarı ilə hüquq-mühafizə orqanları tərəfindən saxlanılıb.
