"Belə Parkları görmək istəməyən torpaqlarımıza göz dikməsin!"
Cəmiyyət
11:36 / 13.04.2021
711
"Əsrlərlə torpağlarımızı itirə-itirə yaşamışıq, döyülmüşük, əzilmişik, təhqir olunmuşuq, alçalmışıq. Son 30 il isə sanki üzümüzə tüpürüblər, söyüblər, mənliyimizi tapdalayıblar, Xocalıda qırıblar bizi, Şuşada kabab çəkib kef ediblər. Nəhayət ki, ötən il özümüzü dirçəlmiş hiss etdik, qalib xalq olduq, Şuşaya "Biz qayıtmışıq!" dedik, göz yaşlarını kədərdən deyil, sevincdən axıtdıq”.
Sfera.az-ın məlumatına görə, bunu tanınmış jurnalist və blogger Azər Qərib deyib. O bildirib ki, Qənimətlər Parkının açılışına sevinməyə tam haqqımız var:
"Şəhidlərin qanı bizə bu haqqı bəxş edib. Nobel prospektinin adınının dəyişdirilməsini istisna etsək, qalanını əcəb etmişik, əlimizin içindən gəlib, bundan da artığını etmək gərəkdir. Əgər kimsə belə Parkları görmək istəmirsə, bizim torpaqlarımıza göz dikməsin.
Çox onun-bunun nazı ilə oynadıq, abır-həya güddük, "vay, sivil dünya bizə nə deyər" düşüncəsi ilə yaşadıq. Nəticədə həmin dünya namusumuzun, qeyrətimizin tapdalanmasına göz yumdu, bəsdir”.
Türkan
Sfera.az
