“Maska taxın" deyən həkimləri söyürlər, "taxmayın" deyənləri də..."
Cəmiyyət
10:30 / 12.04.2021
521
""Maska taxın" deyən həkimləri söyürlər, "taxmayın" deyənləri də. "Taxmayaq” deyənlər qorunmaq üçün heç bir alternativ səsləndirmir”.
Sfera.az xəbər verir ki, bunu tanınmış həkim Vaqif Qarayev deyib. O bildirib ki, açıq havada insanların seyrək olduğu məkanlarda maska taxmamaq olar:
"Amma biz qaynarqanlı millətik. Yəni küçədə bir tanışımızı görən kimi mütləq qucaqlaşıb öpüşürük. Ortalama 10-15 dəqiqə hal-əhval tuturuq. Faydası oldumu maskalı-maskasız gəzməyin? Olmadı!”.
V.Qarayev qeyd edib ki, fərdi və sosial məsuliyyət çox vacibdir:
"Hər kəs özünü qorumağı bacarmalıdır. Peyvəndə də lağlağı yanaşırıq, virusa qalib gəlmiş ədası ilə. Bu isə , düzgün deyil”.
Günay
Sfera.az
