“Başqa ölkələr narahat olmasın...” - Kreml Ukrayna ilə sərhəddə qoşun yığmasına aydınlıq gətirdi
14:40 / 01.04.2021
1013
"Digər ölkələr Rusiya qoşunlarının öz ərazilərində
hərəkət etməsindən narahat olmamalıdır”.
Sfera.az TASS-a istinadla xəbər verir ki, bunu aprelin 1-də Rusiya prezidentinin mətbuat katibi Dmitri
Peskov Ukrayna ilə sərhəddə silahlı qüvvələrin yerdəyişməsinə münasibət bildirərkən
bildirib.
"Rusiya Federasiyası silahlı qüvvələrinin
yerini ölkə ərazisi çərçivəsində istədiyi kimi dəyişdirir. Bu heç kəs üçün heç
bir təhlükə yaratmır”,- deyə Kremlin sözçüsü qeyd edib.
Onun sözlərinə görə, ölkəsi NATO dövlətlərinin
və digər birliklərin silahlı qüvvələrinin Rusiya sərhədlərində müşahidə olunan
fəallığının artması fonunda öz təhlükəsizliyini təmin etmək üçün sadəcə lazımi
tədbirləri görür.
Mətbuat katibi xatırladıb ki, Donbasdakı müharibə Ukraynadaxili münaqişədir və digər Avropa ölkələri kimi, Rusiya da Kiyevdən gələn təxribatlar səbəbindən sözügedən münaqişənin böyüməsində maraqlı deyil.
Selcan
