Şəhid və qazi övladlarının təhsilinə dəstək üçün ONLAYN MƏKTƏB
Təhsil
20:47 / 13.03.2021
4265
Xaricdə yaşayan soydaşlarımızın Vətən müharibəsinin şəhid və qazi ailələrinə dəstək aksiyaları davam edir.
Sfera.az xəbər verir ki, Böyük Britaniyadakı soydaşlarımızın şəxsi təşəbbüsü əsasında ""Natavan” Online Schooling UK" onlayn məktəbi, II Qarabağ müharibəsi şəhid və qazilərinin övladlarına könüllü təhsil vermək qərarına gəlib.
Bu barədə "Söz” ədəbi-bədii layihəsinin rəhbəri, Nigar Həsənzadə öz sosial şəbəkə hesabında məlumat verib. N. Həsənzadə bildibki, məktəbdə, başlanğıc olaraq ingilis dili, rus dili, kimya, riyaziyyat, biologiya dərsləri tədris olunur. Gələcəkdə isə bu siyahıya daha çox fənlər əlavə olunacaq. Bütün müəllimlər öz təcrübə və vaxtlarını təmənnasız olaraq uşaqlarla bölüşürlər.
Layihə rəhbəri onu da qeyd edib ki, bu gün uşaqların keyfiyyətli təsil alması ücün kompüterlərə ehtiyac var:
"Çünki telefonlarla işləmək əlverişsizdir. Təcili bu uşaqlar üçün təhsildə istifadə edilə biləcək kompüter yığımına başlayırıq. Yeni və ya işlənmiş olması əhəmiyyət kəsb etmir. Bu barədə cəmiyyətimiz fəallıq göstərməli, bu nəcib təşəbbüsün baş tutması üçün əlimizdən gələni etməli, hamılıqla əl-ələ verib şəhid və qazi övladlarının yüksək təhsil almasına yardımçı olmalıyıq".
Qeyd edək ki, Natavan Məktəbinin təsisçisi Səbinə Quliyevadır.
