“Çoxluğu qızışdırmağa nə var ki?” – Deputatdan sosial şəbəkələrdəki təhlükəylə bağlı SOS SİQNALI

Sfera.az xəbər verir ki, bunu deputat Fazil Mustafa deyib. O bildirib ki, burada hakimiyyətin edəcəyi tək iş informasiya məkanında debatların, müzakirələrin önünü açmaq, keyfiyyətli və doğru informasiyanı almaq üçün əlində olan leqal resursları doğru çalışdırmaqdır:

 

Deputat vurğulayıb ki, özünə ləyaqətli deyən bir azərbaycanlının Şuşanı, Kəlbəcəri, Ağdamı almış bir hakimiyyətin qarşısında ən azı qınayıcı sözü ola bilməz: "Biriləri deyəndə ki, "Rusiya sülhməramlıları dərhal çıxmalıdır”, yaxud "Niyə Xankəndində, Xocalıda bayrağımız dalğalanmır”, insan həyasızlığının son həddini görürəm, sanki. Əlbəttə, rus sülhməramlısı vaxtı gələndə çıxarılmalıdır və çıxarılacaq da! Əlbəttə, Xankəndində, Xocalıda bayrağımız dalğalanmalıdır, dalğalanacaq da! Ancaq bunu sən etməyəcəksən ki? Yenə də bunu Şuşanı, Kəlbəcəri, Ağdamı hərbi və ya diplomatik yolla almış bu hakimiyyət edəcək! Sağlam mühakiməsi olan azərbaycanlının bu gün "bu hakimiyyətə Qarabağı bütövlükdə suverenliyimzi altına qaytarmaq üçün nə kömək edə bilərəm” deməkdən başqa düşüncəsi olmamalıdır”.

F.Mustafanın sözlərinə görə, qələbədən 4 ay keçməsinə baxmayaraq bu qədər səbrsizlik, inancsızlıq ortadadırsa, dörd il sonra bu xarakterin bizi hara götürəcəyini rahat söyləmək mümkündür: "Səsi duymayan toplumlar mütləq küyə gedəcəklər! Qarabağda səsizmizi duyurmaq istərkən onu küyə qurban verəcəyik.   Azərbaycanın böyük dostu Ərdoğan hakimiyyətə gələndə belə bir ifadə işlətmişdi: "Biz elə edəcəyik ki, Türkiyənin gündəmini kənardakılar deyil, millətimiz özü formalaşdırsın”. Bizdə isə nə yazıq ki, bir küçə uşağı, bir xarici şəbəkə ələmanı sosial şəbəkə resurslarından yararlanaraq cahil çoxluğunu referans alaraq cəmiyyətimiz üçün istədiyi gündəmi yarada bilir. 

 

 

Günay