“Xəritələr heç Ermənistanın özündə də yoxdur, çünki...” – Minalardan necə yan keçməli?
12:43 / 03.03.2021
1288
"Minalanmış ərazilərin xəritələrinin Azərbaycana
verilməsi təmin olunmalıdır. Bu məqsədlə Bakı Moskvanın əliylə Ermənistana daha
təsirli təzyiq göstərməlidr. Problemin həllinin yeganə yolu budur”.
Bu sözləri Sfera.az-a açıqlamasında hərbçi
ekspert İbrahim Rüstəmli deyib: "Minalarla bağlı yaşanan problem müharibədən
sonrakı müharibədir. Hazırda da müharibə şəraitindəyik. Təəssüf ki, bundan
sonra da itkilərimiz olacaq”.
Ekspertin fikrincə, bu məsələnin həlli
kompleks yanaşma tələb edir: "Azərbaycan, Ermənistan və Rusiya birgə fəaliyyət
planı həyata keçirməlidir. Amma təəssüf ki, regiondakı mövcud geosiyasi reallıq
həmin istiqamətdə birgə fəaliyyətin mümkün olmadığını göstərir. Hətta Rusiya
sülhməramlılarının özləri də mina partlayışlarından ziyan çəkir. Amma nədənsə
Kreml minalanmış ərazilərin xəritəsinin alınması məsələsində prinsipial deyil. Ola
bilsin, minalanmış ərazilərin tam olaraq xətirələri heç Ermənistan tərəfdə də yoxdur.
Çünki ermənilər həmin ərazilərdən xaotik şəkildə çıxmağa və çıxarkən minalamağa
məcbur olublar. Bu zaman isə həmin ərazilərin konkret koordinatlarını müəyyənləşdirmək
çətindir”.
Bununla belə, ekspert düşünür ki, bu,
minalanmış bütün ərazilərı əhatə etmir: "Ərazilərin böyük qismi müharibəyə qədər
minalanıb və bununla bağlı xəritələr olmaya bilməz. Erməni tərəfi məhz həmin xəritələri
Azərbaycan tərəfinə təqdim etməlidir. Əks halda bu davranış da növbəti hərbi
cinayət əməli kimi dəyərləndiriləcək”.
Elçin
Sfera.az
