“Xocalı faciəsini daha çox xaricdə tanıtmalıyıq” – Elçin Şıxlı medianın üzərinə düşən missiyadan danışdı

Bu il də eyni hal müşahidə edilirmi? Televiziyaların, ümumiyyətlə, media qurumlarının Xocalı faciəsinin tanıdılması istiqamətindəki fəaliyyəti qənaətbəxşdirmi?

Azərbaycan Jurnalistlər Birliyinin sədri,"Ayna”-"Zerkalo” nəşrlərinin baş redaktoru Elçin Şıxlı Sfera.az-a açıqlamasında 20 Yanvar hadisəsinin üstündən 31, Xocalı soyqırımının üstündən 29 il keçdiyini vurğulayıb və sözlərinə belə davam edib:

 

 

Xocalıya gəlincə, bu, böyük faciədir, soyqırımdır. Onu biz dünyaya tanıtmalı və bu istiqamətdə verilişlər hazırlamalıyıq. Yenə deyirəm, bu o demək deyil ki, hamı ağlamalıdır. Bu, bizim üçün hüzndür, dəhşətli hadisədir. Ola bilsin ki, hansısa kanallar 3 gün qalmış əyləncəli verilişlər veriblər. Buna görə heç kimi qınamaq doğru deyil. Sadəcə olaraq, barıtını çox edə bilərlər. Ağlaşma ilə milləti tərbiyə etmək olmaz. Gənclərə, millətə bu cür faciələrin olduğunu aşılamaq lazımdır. Artıq qələbə qazanmışıq və inşallah 30 illikdə Xocalının özündə soyqırım anılacaq. Boş yerə dizə vurub, saç yolmağın əleyhinəyəm”.

Müsahibimiz Xocalı faciəsinin tanıdılması istiqamətində  KİV-lərin fəaliyyətindən də söz açıb: "Bilirsiniz, müxtəlif fondlar tərəfindən – xüsusilə Heydər Əliyev Fondu tərəfindən xarici ölkələrdə aksiyalar keçirilir. Azərbaycanda özümüz deyib özümüz eşitməkdənsə, daha çox xaricə işləməliyik. Xaricdə isə bizim KİV-lərə nə baxan var, nə də eşidən. Varsa da, nadir hallarda olur. Sadəcə olaraq müəyyən aksiyalar, tanıtımlar keçirilməlidir,  bununla bağlı işləmək lazımdır. Təbii ki, bizim kütləvi informasiya vasitəslərimizin işi də belə olmalıdır ki, xaircdəki müxbirlərimiz bu barədə yazılar yazmalı, xarici mətbuat orqanlarına çıxmağa çalışmalıdır. Ölkə daxilində özümüzü nə qədər "öldürsək də”, bu haqda danışmağımızın xaricə heç bir təsiri olmur”.