Rusiya daha bir ölkənin diplomatını geri göndərir
Dünya
20:32 / 08.02.2021
1901
Rusiya Albaniyanın Moskvadakı səfirinin birinci katibi Yonidu Droqunu "persona- non-qrata" elan edib.
Sfera.az xəbər verir ki, səfir Arben Qazioniyə göndərlmiş notaya əsasən Droqu Rusiyanı 72 saat ərzində tərk etməlidir.
Rusiya XİN-in məlumatına görə, belə bir addım Rusiyanın Tiranadakı səfirinin birinci katibinin "tamamilə uydurma bəhanə ilə" ölkədən çıxarılmasına cavab olaraq atılıb.
"Albaniya tərəfinin hərəkətlərini ölkədə seçkiqabağı kampaniya şəraitində Qərbdəki anti-Rusiya qüvvələrindən xal qazanmaq və dəstək almaq məqsədilə təxribat kimi qiymətləndiririk. Qarşılıqlı əlaqələrdə bu cür uyğunsuzluq təəssüf doğurur", - deyə Rusiya XİN-in məlumatında qeyd edilir.
Xatırladaq ki, ötən ay rusiyalı diplomat Aleksey Krivoşeyev ölkədə karantin rejimi qaydalarını pozduğu əsas gətirilərək "persona-non-qrata" elan edilmişdi və ölkəni tərk etməsi üçün ona 72 saat vaxt verilmişdi.
