Putinin şərəfinə keçiriləcək yarış təxirə salındı
Dünya
22:00 / 20.01.2021
4338
Rusiya Prezidenti Vladimir Putinin şərəfinə Yaponiyada keçirilən ənənəvi sambo çempionatı təxirə salınıb.
Sfera.az xəbər verir ki, bu barədə TASS-a turnirin İcraiyyə Komitəsinin sədri, Yaponiya Sambo Federasiyasının vitse-prezidenti Nobuyuki Asai bildirib.
O, fevralın 7-də Yaponiyanın paytaxtı Tokioda baş tutacaq yarışın koronavirusun ölkə ərazisində yayılması səbəbindən iyulun 25-nə təxirə salındığını açıqlayıb. 23 iyul - 8 avqust tarixlərində isə Tokioda Yay Olimpiya Oyunları keçiriləcək.
Qeyd edək ki, əvvəlki analoji yarış 46-cı Yaponiya çempionatı olub və səkkizinci dəfə Rusiya Prezidenti Kuboku adlandırılıb. Ötən ilin fevralında baş tutmuş son yarışda təxminən 100 idmançı iştirak edib.
