Rusiyanın ən son texnologiyası: uçur, üzür, hədəfləri dəqiq vurur - Amfibi tanklar + FOTO/VİDEO
12:04 / 19.12.2020
5601
Hazırda Rusiya hərbi donanması Qara dəniz sahillərində xüsusi təlimlər həyata keçirir.
Sfera.az xəbər verir ki, bir sıra raket növləri və digər müasir silahların sınaqdan keçirildiyi sınaqda əsas diqqət isə Sprut-SDM1 tanklarına yönəlib.
Həm uça, həm də suda hərəkət edə bilən bu tanklar paraşütlərlə yerə buraxılır. Tankın içərisində 3 ekipaj üzvü olur. 18 ton ağırlığı olan tank suda, havada və quruda atəş açaraq hədəfləri dəqiq vura bilir. Tank raketlər də daxil olmaqla, 40 silah daşıya bilir.
Rusiya bu tankların çətin hava şəraitində belə hədəfləri dəqiq vura bildiyini iddia edir. Ekspertlər Rusiyanın bu tankın satışından xeyli gəlir əldə edəcəyini proqnozlaşdırır.
Qeyd edək ki, ABŞ ordusu Vyetnam müharibəsi zamanı oxşar layihə əsasında M551 "Sherdian" adlı tanklar istehsal edib. Lakin 2004-cü ildə bəzi problemlərə görə layihə dayandırılıb.
Ülvi
Sfera.az
