Krımın işğalı Rusiyaya baha başa gəlir - Avropa İttifaqı sanksiyaların müddətini uzatdı
Avropa İttifaqı Sammiti Rusiyaya qarşı iqtisadi sanksiyaların müddətinin altı ay uzadılmasına qərar verdi. Bu barədə Avropa Şurası Prezidentinin mətbuat katibi Barend Leyts öz Twitter səhifəsində məlumat verib.
"Avropa Şurası Rusiyaya qarşı sanksiyaların müddətinin uzadılması qərarını təsdiqlədi", - deyə o, yazıb.
İndi qanuni qüvvəyə malik fərman Aİ Şurası tərəfindən qəbul edilməlidir. Məhdudlaşdırıcı tədbirlərin uzadılması qanunvericilik aktı Avropa İttifaqının "Rəsmi Jurnalı”nda dərc edildikdən sonra rəsmi olaraq qüvvəyə minəcək. Prosedurun gələn həftə baş tutması planlaşdırılır.
Bundan əvvəl Rusiyaya qarşı sanksiyaların Avropaya hər il 21 milyard avroya başa gəldiyi bildirilmişdi. Bu cür hesablamalar Düsseldorf Ticarət Palatasının araşdırmasında yer alır. Sanksiyalar səbəbindən təkcə Almaniyaya dəyən maddi ziyan ildə 5.45 milyard avro təşkil edir.
Xatırladaq ki, Almaniya da daxil olmaqla, Qərb ölkələri, Krımın ilhaqı və Donbassdakı vəziyyət səbəbilə 2014-cü ildə Rusiyaya qarşı iqtisadi sanksiyalar tətbiq edib. Buna cavab olaraq, Rusiya ölkəyə meyvə, tərəvəz, süd və ət məhsullarının idxalını məhdudlaşdıran qida embarqosu elan etdi.
Mənbə: Lenta.ru
Tərcümə: Selcan
Sfera.az
