Maradonanın qəbri açılacaq – Şok iddia
14:16 / 01.12.2020
1658
Əfsanəvi futbolçu Maradonanın qəbri açılacaq. Belə ki, onun oğlu olduğunu iddia edən Santiaqo Lara adlı şəxs Maradonanın məzarının açılmasını tələb edib.
Sfera.az xəbər verir ki, 19 yaşlı argentinalı gənc DNT analizi etdirmək üçün məzarın açılmasını istəyib. O, bununla bağlı məhkəməyə də müraciət edib.
Santiaqo televiziya kanallarından birində müsahibəsi zamanı anasını 13 yaşında olarkən itirdiyini söyləyib:
"Anam mən 13 yaşımda ikən dünyasını dəyişib. Ancaq bir neçə vəkilə atamın Maradona olduğunu söyləyib. Kim olduğumu bilmək istəyirəm. İşin maddi tərəfi mənim üçün önəmli deyil”.
Santiaqo 2014-cü ildən bəri Maradonanın övladı olduğunu sübut etmək üçün hüquqi mübarizə aparır.
Qeyd edək ki, noyabrın 26-da vəfat edən Maradonanın rəsmi olaraq 5 övladı var. Futbolçu onlardan ikisinin övladı olduğunu çox sonradan etiraf etməli olub.
Jalə Mehdi
Sfera.az
