Erməni cinayətləri Meksika mətbuatında: "Atəşkəs imzalanmasına baxmayaraq..."
14:22 / 26.11.2020
1679
Meksikanın xarici əlaqələr sahəsində nüfuzlu "PROTOCOLO” diplomatik jurnalında erməni separatizminə qarşı yeni məqalə dərc olunub.
Sfera.az xəbər verir ki, məqalənin müəllifi İspaniyada yaşamış soydaşımız Mahir Qurbanov ermənilərin Azərbaycan ərazisində törətdiyi ekoloji terror, vandalizm və vəhşiliklər haqqında düzgün informasiya ötürməyə çalışıb.
Sözügedən yazıda Azərbaycanın multikultural dövlət olduğu və müxtəlif etnik qrupların ölkəmizdə qədim dövrlərdən etibarən sülh və firavanlıq içərisində yaşadığı bildirilib.
Erməni işğalı nəticəsində xeyli sayda insanın məcburi köçkün və qaçqın olması diqqətə çatdırılıb:
"Ermənilərin Şuşada, Kəlbəcərdə, Füzulidə və digər işğaldan azad olunmuş ərazilərimizdə ekoloji, mədəni cinayətlər törədib, mənəvi və maddi ziyan vuraraq məscid, kilsə və digər abidələrimizə çoxlu sayda ziyan vurublar.
Həmçinin ekoloji terror törədərək meşə massivlərini məhv edirlər. Atəşkəs imzalanmasına baxmayaraq ermənilər fosfor bombalarından istifadə edərək ekosistemə ciddi ziyan vurublar.
Palıd ağacları, ardıclar, fıstıqlar, vələs şamları, şam ağacları erməni vandalizmi nəticəsində məhv edilib. Bioloji müxtəlifliyə qarşı belə bir zərbə vurmaq, Ermənistanın 2002-ci ildən bəri qoşulduğu BMT-nin Biloji Müxtəliflik Konvensiyasına əsasən insanlığa qarşı cinayət hesab olunur.
Beynəlxalq Əfv Təşkilatına görə mülki şəxslərin yaxınlığında ağ fosforun istifadəsini hərbi cinayət hesab edilir", - deyə yazıda qeyd olunub.
Aysel
Sfera.az
