Koronavirus qonşu ölkələrdə tüğyan edir - SON VƏZİYYƏT
Dünya
12:23 / 16.11.2020
4589
Gürcüstanda son sutkada koronavirusa 3 157 yeni yoluxma faktı təsdiqlənib, 3 230 nəfər sağalıb, 30 pasiyent isə vəfat edib.
Sfera.az xəbər verir ki, bu barədə Gürcüstan hökumətinin xüsusi rəsmi saytında bildirilib.
Beləliklə, qonşu ölkədə indiyədək COVID-19 aşkarlanan şəxslərin sayı 82 835-ə çatıb. Onların 65 291-i sağalıb, 733-ü isə ölüb.
***
Rusiyada son bir gündə daha 22 778 nəfərə COVID-19 diaqnozu qoyulub.
Bu barədə ölkənin Operativ Qərargahının yaydığı məlumata görə bununla da Rusiyada koronavirusa yoluxanların sayı 1 948 603 nəfərə çatıb. Ölkədə virusdan ölənlərin sayı isə daha 303 nəfər artaraq 33 489-a yüksəlib.
***
Ermənistanda isə daha 549 nəfərdə koronavirus aşkarlanıb, 25 nəfər ölüb.
Ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzinin yaydığı məlumata görə bununla da Ermənistanda virusa yoluxanların sayı 117 886-ya yüksəlib. Pandemiyadan ölənlərin sayı 25 nəfər artaraq 1 788-ə çatıb.
Hazırda Ermənistanda 39 779 aktiv koronavirus xəstəsi var.
