Co Baydenin prezidentliyi Azərbayacana nə vəd edir? – Politoloqdan açıqlama

"Co Baydendən Azərbaycanın işğal altındakı torpaqlarını azad etmək uğrunda mübarizəsinə xüsusi, fərqli yanaşmasının olacağını gözləmirəm”.

Bu sözləri Sfera.az-a açıqlamasında ABŞ prezidentliyinə namizəd Co Baydenin iqtidara gələcəyi təqdirdə, Azərbaycanın apardığı azadlıq mübarizəsinə hansı münasibət sərgiləyəcəyi sualını dəyərləndirərkən politoloq Araz Aslanlı deyib:

"Ola bilər, münaqişənin alovlanması, insan ölümlərilə bağlı üzüntüsünü ifadə etsin. Amma Azərbaycanın öz torpaqlarını azad etməsinə etiraza gəlincə, buna heç bir prezidentin, o cümlədən Co Baydenin də hüququ yoxdur.

ABŞ-da hansısa prezident Azərbaycanın apardığı haqq işinə qarşı çıxsa belə, bu ölkənin Cənubi Qafqazda nəticə yaratmaq ehtimalı aşağıdır. Vaşinqton bu gün Cənubi Qafqazdakı proseslər baxımından həlledici dövlət deyil və yaxın mərhələdə də bu ehtimalın baş tutması real görünmür.

A. Aslanlıya görə, Co Bayden sadəcə, erməni lobbisini məmnun etmək naminə Azərbaycanla Türkiyəyə qarşı kosmetik xarakterli addımlar ata bilər:"Strateji xarakterli fərqli yanaşma sərgiləyəcəyini isə gözləmirəm”.

Elçin

Sfera.az