Putin yanvarda istefa verəcək – İngiltərə mətbuatından İDDİA

Sfera.az xəbər verir ki, bu iddia İngiltərə mediasında yer alıb.

Məlumata görə, Putin 2012-ci ildən bu xəstəlikdən əziyyət çəkir.

"Daily Mail” qəzetinin Moskva mənbələrindən əldə etdiyi bilgiyə əsaslanan xəbərdə Putinin illərdir ki, Parkinson xəstəsi olduğu və növbəti ilin yanvar ayında bu səbəblə vəzifəsindən gedəcəyi qeyd olunub.

Xəstəliyin Putinin sağ qolunda problem yaratdığı iddia edilib.

Ötən illərdə də Putinin Parkinson xəstəliyinə tutulması ilə bağlı bir neçə dəfə iddia irəli sürülüb. Buna görə də bu barədəki iddialar "British Medical Journal” tərəfindən araşdırılıb. Araşdırmaya əsasən, Putinin sağ qolu asimmetrik görünür və qolunun yellənməsi də Parkinson xəstəliyinin əlaməti ola bilər.

Qeyd edək ki, Parkinson xəstəliyi Alzaymerdən sonra ən çox rast gəlinən degenerativ xəstəlikdir. Ən çox bilinən əlaməti isə hərəkət pozuntusudur.

Sfera.az

Əzizə Zeynal