51 məktəb rəhbərinə xəbərdarlıq edilib, 16-na töhmət verilib - NAZİRLİK

51 məktəb rəhbərinə xəbərdarlıq edilib, 16-na töhmət verilib - NAZİRLİK
Təhsil Nazirliyi sentyabrın 23-dən etibarən ölkə ərazisində fəaliyyət göstərən ümumi təhsil müəssisələrində monitorinqlər aparmaqdadır.

Nazirlikdən Sfera.az-a verilən məlumata görə, məqsəd ümumtəhsil məktəblərində Nazirlər Kabineti tərəfindən təsdiqlənmiş "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nın tələblərinə əməl olunması vəziyyətinin yoxlanılmasıdır.

Bu günədək 18-i özəl, 73-ü dövlət ümumi təhsil müəssisəsi olmaqla, Bakı və Sumqayıt şəhərləri, eləcə də Abşeron rayonunda fəaliyyət göstərən (məcburi köçkün məktəbləri də daxil olmaqla) ümumilikdə 91 məktəbdə monitorinq aparılıb. Monitorinq nəticələrinin təhlili göstərir ki, yoxlama aparılmış məktəblərdə əsas qayda pozuntuları müəssisəyə daxil olan şəxslərin müvafiq qaydada hərarətinin ölçülməməsi, müəssisədə müvafiq standartlara cavab verən xüsusi karantin otağının mövcud olmaması, həmçinin sanitar qovşaqlarda maarifləndirici posterlər və xəbərdaredici nişanların yerləşdirilməməsi ilə bağlıdır.

Aşkar olunmuş qayda pozuntularının sayı və ciddiyyəti nəzərə alınmaqla, 67 dövlət ümumi təhsil müəssisəsi ilə bağlı müvafiq tədbirlər görülüb (51 müəssisə rəhbərinə xəbərdarlıq edilib, 16-na isə töhmət verilib) və nöqsanların aradan qaldırılması üçün onlara vaxt verilib (Verilmiş vaxt bitdikdən sonra həmin müəssisələrdə təkrar monitorinq keçirilməsi nəzərdə tutulur).

Eyni zamanda, qayda pozuntuları aşkar olunmuş özəl təhsil müəssisələri ilə bağlı müvafiq tədbirlər görülməsi üçün aidiyyəti dövlət orqanlarına məlumat verilib.

Monitorinqin növbəti günlərdə də davam etdirilərək qeyd olunan bölgələrlə yanaşı, ölkəmizin başqa regionlarında yerləşən və təsadüfi seçim əsasında müəyyən edilmiş digər məktəblərdə də həyata keçirilməsi planlaşdırılır.

OXŞAR XƏBƏRLƏR

Körpələr hansı səbəblərə görə ölü doğulurlar? - DƏHŞƏTLİ RƏQƏMLƏR

2023-cü ildə 531 uşaq ölü doğulub.   Bu barədə Dövlət Statistika Komitəsindən Bizim.media-nın sorğusuna cavab olaraq bildirilib.   Qeyd ed...

Muxtar Babayev sloveniyalı həmkarı ilə görüşdü

Sloveniyanın ətraf mühit, iqlim və energetika naziri Bojan Kumer ilə ekologiya və təbii sərvətlər naziri Muxtar Babayev arasında görüş keçirilib.   B...

Bakı və Buxarest arasında məsləhətləşmələr keçirildi

16 iyul 2024-cü il tarixində Buxarest şəhərində Azərbaycan Respublikası və Rumıniya Xarici İşlər Nazirlikləri arasında siyasi məsləhətləşmələrin növbəti raundu ...

İmişlinin 8 yaşayış məntəqəsində qaz olmayacaq

İyulun 18-də İmişli rayonunda 8 yaşayış məntəqəsinin qaz təchizatı dayandırılacaq.   Sfera.az xəbər verir ki, "İmişli" QPS-dən qidalanan mü...

Azərbaycanın Paris-2024-dəki bayraqdarları bəlli oldu

Azərbaycanın Paris-2024-dəki bayraqdarları bəlli olub.   Sfera.az xəbər verir ki, bu vəzifəni qadınlardan ibarət cüdo üzrə Azərbaycan millisinin üzvü...

“Polad Bülbüloğlu ilə bağlı yayılan video saxtadır”

Sosial şəbəkələrdə Azərbaycanın Rusiyadakı səfiri Polad Bülbüloğlunun özünü pis hiss etməsi ilə bağlı videomüraciət yayılıb.   Sfera.az bildirir ki, ...