Hər işçiyə əlavə 1000 dollar veriləcək - Evdən işlədikləri üçün
Dünya
11:10 / 07.08.2020
2117
"Facebook” şirkətinin işçiləri 2021-ci ilin yayına qədər evdən işləyəcək.
Sfera.az xəbər verir ki, şirkət koronavirus pandemiyası səbəbilə tətbiq etdiyi evdən işləmə modelini gələn ilin iyul ayına qədər uzadıb.
"Facebook”un sözçüsü Nneka Norville tərəfindən verilən açıqlamada qərarın səhiyyə və ictimai mütəxəssislərin tövsiyəsi ilə verildiyini bildirib.
Şirkət işçilərinə evdən işləmək ehtiyacları üçün maaşdan əlavə 1000 dollar vəsait verəcək.
Qeyd edək ki, ABŞ-ın texnologiya nəhənglərindən "Google” da ötən həftə evdən işləmək modelini 30 iyun 2021-ci ilə qədər uzatdığını açıqlamışdı. (publika)
