Nazir Dövlət Proqramı ilə bağlı əmr imzaladı
Səhiyyə naziri Oqtay Şirəliyev "2016-2020-ci illər üçün şəkərli diabet xəstəliyi üzrə Dövlət Proqramı”nın həyata keçirilməsi barədə əmr imzalayıb.
"Qafqazinfo” qurumun saytına istinadən xəbər verir ki, əmrdə Şəkərli Diabet üzrə "2016-2020-ci illər üçün Dövlət Proqramı” çərçivəsində həmin illər üzrə Azərbaycan Respublikası Səhiyyə Nazirliyinin Fəaliyyət planının təsdiqi, Fəaliyyət Planı üzrə işracı qurumların rəhbərlərinə nəzərdə tutulmuş tədbirlərin vaxtında, keyfiyyətli həyata keçirilməsini təmin etmək və görülən işlər barədə Səhiyyə Nazirliyinə vaxtaşırı məlumatlar vermək və s. məsələlər öz əksini tapıb.
Qeyd edək ki, "2016-2020-ci illər üçün şəkərli diabet xəstəliyi üzrə Dövlət Proqramı”nın həyata keçirilməsi məqsədi ilə görüləcək tədbirlər sırasına şəkərli diabet xəstələrinin vahid elektron registrinin və məlumat bazasının təkmilləşdirilməsi və bir neçə amil yer alıb. Eyni zamanda ilkin səhiyyə xidməti müəssisələrində çalışan tibb işçiləri üçün şəkərli diabetin aşkarlanması və müalicəsi üzrə treninqlərin təşkil etmək və bu xəstəliyin profilaktikasına dair populyar ədəbiyyatın, bukletlərin, vərəqlərin , plakatların çapını və KİV vasitəsi ilə şəkərli diabetin profilaktikasına dair məlumatların verilməsi və. s bu kimi tədbirlər nəzərdə tutulub.
